Главная » 2011 » Апрель » 27 » Татарские поздравления на свадьбу
12:34
Татарские поздравления на свадьбу
  Яшәгез матур пар булып,
            Икегез бер җан булып,
            Күрше
         ләргә үрнәк гаилә,
            Дуслар өчен дан булып,
            Изге мәхәббәт хисләрен
            Вакламыйча саклагыз.
            Тормыш дигән олы юлдан
            Гел янәшә атлагыз.

* * *

            Пар килгәнсез, сезгә карап сокланабыз,
            Һәммәбез дә сезнең өчен шатланабыз.
            Яшәгез сез бер-берегезне яратып,
            Бу җиһанга сөю нуры таратып!

           Зарыгып көткән туй көнегез килде,
            Бар дөньяны гөлгә, нурга кумде.
            Пар балдаклар балкый бәхет юрап,
            Барыбыз да сокланабыз сезгә карап!

* * *

            Бер-берегезне табып кавышкансыз,
            Икегез дә нинди сөйкемле!
            Күзгә-күз карашып елмаясыз,
            Бер гөл чәчәкләре шикелле!

            Бер-берегезгә ныклы терәк,
            Иптәш, сердәш булыгыз,
            Давыл-яңгырга бирешми
            Гел янәшә торыгыз!
            Котлы булсын туегыз!

Кадерле [кияү], кадерле [кәләш]!

Сезне чын күңелдән шушы матур көнегез белән котлыйм һәм бар изге  теләкләремне Фәнис Яруллин  сүзләре аша җиткерәсе килә:

«Язмыш сезнең тез астына китереп сукса - егылмас өчен якасына ябышыгыз.

Утларга салса - үзегез аннан да көчлерәк яныгыз, шулвакыт кызуын сизмәссез.

 

Суларга ташласа - күбек булып өскә күтәрелмәгез - асылташ булып төпкә батыгыз, ялтыравыгызны күреп чумып алырлар.

Тузан итеп һавага күтәрсә - яңгыр тамчыларына кушылып җиргә төшегез.

Карурманнарда адштырса - кояшка карап юл сайлагыз.

Ташлар белән бастырса - чишмәгә әверелеп иреккә ургыгыз.

Җиргә күмсә - орык шикелле тишеп чыгыгыз.

Җилкәннәрегезне җилләр екса - сөюегезне җилкән итеп күтәрегез.

Нинди генә очракта да җиңәргә өйрәнегез.

Көчле рухлылар гына максатка ирешә ала.

Түземлеләр генә бәхеткә лаек!»

Бәхетле  булыгыз!

Бал-май кебек татлы, затлы сузлэр,
Кызганмасын тэмле телегез!
Ике булып сез ускэнсез инде,
Икегез бер була белегез!
Уйнап-колеп, яна юлга сезне,
Озатабыз туйда бугенге!
Авыр чакта таянычын булса,
Яшэу ямьле, тормыш кунелле!
Хыялларыгызга нигез булсын,
Минем телэклэр дэ бер олеш!
Мин татулык телим Сезгэ буген!
Бэхет йорты тозу Сезнен эш!

***
Очраштырган сезне язмыш,
Гашыйк парлар булгансыз.
Чәчне чәчкә бәйләшергә
Вәгъдәләр коргансыз.
Тормышка аяк басасыз,
Пар килгәнсез икегез.
Сөешеп кенә яшәгез,
Тигез гомер итегез!
Бездән сезгә изге теләк:
Бергә типсен сезнең йөрәк.
Турә булсын түрегездә —
Мәхәббәт бер-берегезгә.

Просмотров: 10228 | Добавил: Рида | Теги: Татарча, татарские поздравления на свадьбу | Рейтинг: 3.0/5
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]